Minister Plenipotenciario di Aruba Guillfred Besaril a atende e apertura oficial di e Interparlementair Koninkrijksrelaties Overleg (IPKO) na Den Haag. Den e edificio di Eerste Kamer tur e delegacion di parlamentarionan di e Comicion di Asuntonan di Reino di Eerste y Tweede Kamer di Hulanda y miembronan di Staten di Corsou, St. Maarten y Aruba a topa pa duna inicio na e intercambio entre parlamentariona di Reino Hulandes. IPKO ta tuma lugar dos biaha pa aña; na comienso di aña na un di e partinan di Reino den Caribe y na luna di mei na Hulanda.
Tambe presente tabata Minister Plenipotenciario di Corsou, Anthony Begina y Minister Plenipotenciario Suplente di St. Maarten, Hasani Ellis.
Durante e siman di IPKO ta papia y debati riba topiconan di interes comun pa e paisnan di Reino. Tambe ta tuma luga algun bishita di trabao.
