Recientemente hues a informa gobierno cu e tin tres luna pa duna un contesta na Embassy Suites. Gobierno kier duna Natura, cu ta dirigi Embassy Suites, un contesta den un tempo mas lihe.
Ursell Arends, Minister di Naturalesa, a splica cu via vonnis nan a haya un tempo di tres luna for di hues pa duna punto di bista di gobierno, unda nan ta para. El a indica cu riba e website publico.aw nan a publica e ‘draft’ di ‘ontheffing beleid.’ A ricibi input di tur stakeholder.
Pa por legalisa e maneho aki, esaki lo mester hacie door di LB.ham. Esey ta e proceso cu ta encamina n’e momentonan aki, p’asina e maneho legalmente por ta formalisa. E mandatario ta kere cu den menos di tres luna gobierno por duna su punto di bista na e desaroyado di Embassy Suites, esta Natura Development.
Riba e echo cu hues a bis’e kico pa haci, Arends kiermen esey no tabata e caso. E ta canando e proceso normal pa Embassy Suites por haya un contesta. Esey ta ancra e maneho via un LB.ham. E ora ey e ta legalmente ancra y asina ey e desaroyado lo haya un contesta di parti di gobierno.
