E situacion di SABA ta parce cu no ta yegando su final, ora kere cu pocopoco por yega na otro, ta completamente robes. Ta mustra mas bien un bay bin entre Minsiter Ursell Arends y directiva di SABA. Di otro banda, sindicato ABV tambe ta tuma e banda di directiva di SABA den e situacion aki. Locual ta claro; directiva di SABA a indica cu, si e ricibi menos placa di subsidio, lo no keda nada otro di dal e portanan di e stichting cera. SABA ta menciona cu nan ta cumpli cu tur regla y ley y e minister ta bisa lo contrario.
A puntra Minister Arends pa un reaccion riba henter e polemica aki. Arends ta comenta cu; ley ta indica cu fundacion of stichting cu ta ricibi subsidio di gobierno, tin cu entrega un accountantsverklaring. Segun Arends, SABA no ta entrega un accountantsverklaring sino un samenstelling, cual no ta cumpli cu ley. SABA lo a indica cu nan tin necesidad di ricibi como 200 mil florin mas pa keda sostenibel. Un cos ta sigur, Arends ta para firme cu e tin cu responsabilisa su mes den parlamento di Aruba riba tur cen cu ta resorta bou su minister y ta bay pa subsidio. Den pasado tabatin masha polemica pa mesun situacion aki cu diferente motibo cu na final a termina den un discusion politico. E tempo ey hasta tabata intimida politiconan, pero Arends a sigura cu e no ta wordo intimida pa nada!
