Diabierna atardi pa anochi a tuma luga un reunion na Centro di Bario Playa Pabou organisa pa Ministerio di Naturalesa relaciona cu spearfishing. E mandatario encarga cu naturalesa, Ursell Arends a invita e tiradonan di pisca p’asina e scucha di nan banda ki solucion concreto por trece pa e cambio di un gedoogbeleid.
Arends ta kere firmemente den scucha esunnan di veld mes, mirando cu na final di dia, nan ta e grupo mas grandi cu lo tin cu tene nan mes na e ley. E reunion a bay cu basta tension, varios di e tiradonan di pisca a vocifera nan preocupacion pa cu e tema aki.
Algun a menciona cu e reunion a bay “bruha”, mientras otro ta kere cu ainda falta mas informacion y otro ta gradici e mandatario pa organisa un prome encuentro asina, mirando hunto tin cu yega na un solucion, cual ta pensamento di gobierno tambe.
Arends, a invita e representantenan di diferente departamento di gobierno, manera Departamento di Naturela y tambe Parke Marino, pa nan tambe scucha e preocupacion y input di e tiradonan di pisca. Awo, e grupo di tiradonan di pisca a scoge cinco representante cu lo sigui cu e parti di negociacion hunto cu gobierno y demas departamento. Pa lesa mas subi TREMPAN.
