Siman pasa diamars SEPPA tabatin un reunion programa cu e minister encarga cu Arubus. Sinembargo a dicidi di cancela e reunion y a manda e partidonan sinta na mesa. Algo cu e sindicato SEPPA ta mira cu no tin sentido pa motibo cu e compania no tin e fondonan disponibel.
Structura salarial ta un problema andando pa algun tempo caba na Arubus. Gerencia y sindicato te ainda no a logra yega na otro. Y no ta nada straño mirando e situacion penoso cu e compania di transporte publico ta pasando aden.
Mas ainda despues di e rapport destructor di Contraloria General riba e compania y cinco otro entidad mas di gobierno unda cu a constata metemento politico y di gobierno ta un problema serio.
Den combersacion cu Secretario General di sindicato SEPPA, Magaly Brito, a bini dilanti e tema aki, cu ta un lucha di hopi tempo. Pero te ainda no a logra un acuerdo entre e compania y su trahadonan. Ultimo Gobierno a manda e partidonan bek na mesa pa yega na un acuerdo, y wak con ta bay haci cu e contracto colectivo.
A sinti cu Mediador, cual tabata un idea di Arubus pa logra pone e partidonan hunto, pa trata di yega na un entendimento. E ultimo aki ta rekeri cierto fondonan financiero cu por a compronde no ta disponibel. Seppa di su banda, Brito a bisa, a haci tur esfuerso pa convence Minister Ursell Arends cu pa por yega na un acuerdo cu mester tin fondonan disponibel. “Sin e fondonan disponibel no tin sentido pa sigui cu e discusionnan.
Pa un relato amplio lesa TREMPAN.
