Presidente di Rainbow Warriors a vocifera nan pensamento riba e echo cu gobierno a scoge pa bay casacion contra matrimonio di mesun sexo. Iglesia Cristian Aruba a expresa di nan. Pero Rainbow Warriors a sigura cu a bin un bruhamento, pasobra nunca a papia di matrimonio mesun sexo pero di union civil di mesun sexo.
Milton Ponson, presidente di Rainbow Warriors a reacciona riba loke Iglesia Cristian Aruba a indica y e kier sa unda e bruhamento di tera ta bin. E ta haya cu e dolor di cabes ta hinca den e palabra di matrimonio. Tin hopi veredicto, cuminsando cu e caso di Oliari contra Italia, pero ningun caminda ta papia di matrimonio. Den concepto dje ceremonia contrae tin un ‘House of Worship’, un iglesia, un kerki. Aki nan ta papia dje igualdad di derecho, ta exigi cu den e cas municipal unda ta contrae e matrimonio tradicional, pa crea un parecido, un igual union civil pa permiti un union civil di mesun genero. E ta enfatisa cu na ningun momento a papia di matrimonio.
El a indica cu e bruhamento a bini na momento cu a convertie na Papiamento, aki cos a bruha. Corectamente a bisa cu e no ta derecho humano, pero un derecho civil y mester anda cu ne den forma diferente. Den veredicto di Corte Comun di casi binti pagina, a duna les completo di tur variante y interpretacion internacional legal tanto na Merca, Canada, Europa y algun otro pais mas. Esaki tabata pa informa cu ta trata di union civil. Ningun caminda ta poni cu esaki mester tuma luga den ‘House of Worship.’ Pero si cu na momento di casa pa Raad, esey tin di conta pa tur union civil.
Ta mustra cu e misanan evangelico no sa lesa Hulandes y esey ta loke ta haya. Segun Ponson, mayoria di e pastoornan no ta domina Hulandes pa nan por compronde e diferencia entre huwelijk (casamento) y verbintenis (union).
Pa mas lesa TREMPAN.COM.
