Den cuadro cu reunion di InterExpo na Hulanda, parlamentario y lider di fraccion Accion21, Miguel Mansur tambe tabata presente pa entre otro scucha y haci pregunta tambe. Secretado di estado demisionario Alexandra van Huffelen a habri e reunion cu su discuro y Mansur a puntra su persona si e Rijkswet ainda ta un meta p’e gobierno di Hulanda pa cu Aruba. Cu e Rijkswet ta ankra supervision y normanan financierno na nivel di Reino, tabata algo cu Mansur kier a haya un confirmacion riba dje mirando cu el a laga esey pafo di su discurso.
NO TUR CAMBIO LO TA POSITIVO
Tin basta incertidumbre segun Mansur, a scucha proposicion di un Zakencabinet cual Mansur ta curioso si algo asina lo por funciona pa nos tambe y si lo funciona na Hulanda. “Obviamente ken cu lo bay sinta lo tin cambionan grandi pa nos islanan.”
Mansur ta expresa cu e kier ta optimista, pero e no ta kere e cambionan tur lo bay ta positivo.
“Pero si nos ta purba di anda den un forma constructivo cu cualkier gobierno cu sinta den interes di nos ciudadanonan.” Mansur ta bisa cu e realidad ta cu sin un Rijkswet (RAft), Aruba lo bay na paga mas cu 330 miyon florin extra na gastonan di interes, ekivalente riba 9.000 florin pa cada hogar na Aruba. Accion21 hunto cu otro fraccionnan den Staten kier wak e tasa di interes pa Aruba baha. E tasa di interes no ta bay baha cu un Laft nobo segun Mansur, e ta baha ora ancra normanan y supervision financiero na nivel di Reino.
Ta mira otro partidonan papia riba diferente plan pero e argumento mes si nos ta bay paga 6.9% of si ta bay 3.4% no ta coriente. Realmente Mansur a sinti cu van Hufffelen a ‘give up’ pasobra gobierno di Aruba no ta dispuesto, pero Mansur ta bisa cu e kier scapa pueblo di Aruba di paga tur e extra placa aki. Pasobra ora ta papia di drecha asunto social y combati pobresa, no por hustifica esey si ta tirando miyones afo na gastonan di interes mas halto.
KWIJTSCHELDING NO TA REALISTICO
Mansur ta splica cu berdad gobierno di MEP/RAIZ kier un Kwijtschelding cu Hulanda cual e no ta haya realistico y Hulanda a haci esaki duidelijk hopi biaha caba. Partido AVP a bin cu un plan, claro uno interesante pasobra nos lo kier mira e miyones inverti bek na Aruba. Pero ainda ta wardando lider di AVP bisa cu ta dispuesto di accepta un Rijkswet pa Aruba paga menos na interes. “Tanto bal reinverti 915 miyon pa tira 330 pa 360 miyon florin na interesnan mas halto.” Mansur ta bisa cu e plan di lider di AVP ta interesante y cu lo ta accepta na Hulanda e no ta sigur, pero ta tog mas realistico cu pidi Kwijtschelding of bisa cu nos tin forma di sclavitud nobo cu e rente cu Aruba ta haya.
OTRO TEMANAN NA INTEREXPO
Otro oradonan a toca riba cambio di clima y particularmente mencionando Boneiro cu ta den un caso cual por tin implicacion p’e otro islanan tambe. Pa Reino haci mas pa loke ta cambio climatico riba nos islanan y su implicacionnan. A haya un presentacion hopi interesante tambe riba EU Burgerschaap. Aki ta trata di ciudadania di Union Europeo cu ta defini si bo ta un nacional di un di e paisnan miembro di Union Europeo. Esey ta conta pa tur Arubiano tambe y con obviamente por trece mas conexion cu e Union Europeo.
Tabata tin un representacion grandi den tur parti di Reino, academico, politico. Un encuentro caminda sigur por saca afo hopi informacion valioso pa por studia, analisa y revisa con ta relata y conecta cu otro. Riba trabaonan cu tabata bon haci pero sigur tambe riba tur otro aspecto y area unda ta haci falta di trabao y mehoracion.
