Durante e reunion di IPKO varios topico a bin dilanti. Algun di e topiconan tabata combati pobresa, criminalidad pero tambe studiante, deficit democratico. E topiconan aki ta algo cu ta scucha hopi, pero pueblo kier mira un solucion.
Miguel Mansur, Parlamentario (ACCION21), a indica cu loke a keda cla pa nan ta cu pobresa no ta limita na e islanan so, pero na Hulanda tambe e ta existi. mas cu claro e porcentahe ta mas abou na Hulanda, di cual ta calcula cu 4.7% di persona ta biba den pobresa. Pa loke ta trata na Aruba, e porcentahe ta di mas o menos 27%, aunke e Parlamentario ta kere cu na Corsou y Sint Maarten ta mesun cos.
E pobresa ta hopi mas halto riba e islanan. Tin diferente posibel solucion. Den caso di Aruba e gastonan di gobierno, tamaño di gobierno ta e causante di pobresa. Esaki ta opinion di e Parlamentario. El a indica cu tanten no pak esey aan, “nos ta bay keda carga cu pobresa.” Mansur a bisa: “Nos mester goberna nos mes di forma mas eficiente. E ciudadano mester pensa di su mes como un cliente di gobierno. Y e servicio no ta adecuado.” E gobierno mester cambia.
Tambe a topa cu e studiantenan, kendenan a trece dilanti riba e echo prome cu 2020 nan tabata ricibi mil euro di DUO y esaki tabata yega. Pero, awo esey no ta posibel. Vivienda di studiante a subi entre 700 y 900 euro. Incluso a trece cu falta di seguro, por ehempel “eigenrisico”, si bay hospital tin un costo di 380 euro. Pero si ta riba un budget di mil euro nan no por logr’e.
Mayoria di nan a bisa di no por studia sin tin un side job, algun di nan ta studia y traha tempo completo. Algun di nan esey ta crea un efecto riba nan bienestar, salud mental. Nan a scucha e obstaculonan cu e studiantenan ta enfrentando y tambe con por gara nan miho desde Aruba.
Un ehempel cu el a trece dilanti ta cu Boneiro ta organisa un orientacion di dies dia na Hulanda p’e studiantenan, nochi di informativo.
Tambe el a participa den e grupo di deficit, cual ta un topico cu ta papiando riba dje pa trinta aña. Durante e encuentro aki Mansur a bin c’un sugerencia. A bay riba e echo cu tin diferente proposicion. E ultimo cuaternan presenta pa Secretario di Estado, aunke no mester ta un di nan, pero loke falta ta un proceso pa yega na un escogencia. Pueblo mester compronde cu e deficit democracia no ta encera tur deficit den statuto pa loke ta “gelijkwaardigheid.” Aruba, Corsou y Sint Maarten no tin representacion den e parti legislativo di Reino. Den e parti Rijksministerraad tur e tres islanan tin un Minister Plenipotenciario.
Den e parti legislativo Eerste Kamer y Tweede Kamer ta de facto Parlamento di Reino. Eynan tin un eficiencia democratico. Cada fraccion tin diferente opinion, e islanan tambe por tin diferente opinion. E parlamentario a trece dilanti pa cuminsa papia riba e proceso pa yega na un solucion. N’e parti ey tabatin menos animo y loke si nan tabata kier pa experto presenta un biaha mas pa duna presentacion. Dos aña pasa di IPKO e expertonan a presenta y a skirbi un buki, di cual a duna e parlamentarionan.
Mansur a sugeri cu mester tin un referendum riba e islanan CAS, pasobra tur residente mester biba cu e consecuencianan. Cada bes cambia e constitucion, esey tabata necesario. Mayoria kier scucha e expertonan, p’esey e Parlamentario ta haya cu ta keda dal buelta. Esey ta algo preocupante. Den e ultimo eleccion di Hulanda por a mira esey, cu hende kier cambio.
