MetaCorp, e compania mas bieu di Aruba, semper a mira e importancia pa duna bek na e comunidad cu a sostene e compania desde nan comienso, mas cu shen aña pasa. “Pa hopi aña caba, den un manera of otro MetaCorp a sostene y coopera cu e comunidad special di Aruba. Esaki semper tawata y semper lo keda un di e pilarnan fundamental y principal dentro di nos Corporate Social Responsibility”, Eddie de Veer, CEO di MetaCorp a comparti.
E aña aki, un bes mas a contribui cu un peticion cu a yega na MetaCorp. Beyond Sport Limit Foundation Aruba a haci un peticion di tres stoel special pa esnan cu ta participa den careda. E stoel aki ta pone cu e persona special tambe por disfruta y forma parti di e caredanan sea ta 5 km, 10 km of 15km. Di e manera aki nan tambe por participa den e eventonan deportivo na Aruba. Awo, MetaCorp a agrega 3 stoel mas, esaki ta pone cu ta yega na un total di 5 stoel. Un total di 5 voluntario lo pusha e stoelnan, di e manera aki 5 cliente lo por participa den MetaFit y debut e stoelnan nobo aki
MetaCorp ta sostene Beyond Sport Limit Foundation Aruba den nan meta, pero alabes ta pidi comunidad di Aruba pa apoya nan durante e MetaFit Event cu lo tuma luga dia 30 awo.
Tocante MetaCorp
MetaCorp ta existi desde aña 1920 y a start den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den APEX y Ecotech. Despues di dos guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi. E compania a sigui desaroya cu apertura di New York Laundry y EcoGas.
MetaCorp ta e empresa comercial mas bieu na Aruba cu mas di 100 aña di existencia continuo. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 aña di progreso, cu talento manera Eddie de Veer, Guus Slabbekoorn y Shensly Tromp na cabes di e compania.
