Cu mayoria empleado di tur nan companianan presenta na APEX, na Barcadera, e compania Rubiano cu mas aña di existencia, MetaCorp, a despedi di aña 2023. Ta un tradicion di hopi aña cu e compania ta topa cu tur empleado riba e ultimo dia si trabou di aña.
CEO di MetaCorp, Eddie de Veer, ta raporta un aña exitoso pa e compania. E tin speransa cu aña 2024 lo ta miho ainda. El a desea tur empleado pero tambe henter pueblo di Aruba, un bon cambio di aña.
Tocante MetaCorp
MetaCorp ta existi desde aña 1920 caba y a start den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den APEX y Ecotech. Despues di dos guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi. E compania a sigui desaroya cu apertura di New York Laundry y EcoGas.
MetaCorp ta e empresa comercial mas bieu na Aruba cu mas di 100 aña di existencia continuo. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talento manera Eddie de Veer, Shensly Tromp y Guus Slabbekoorn na cabes di e compania.
