Diamars, dia 10 di mei a tuma luga e conferencia organisa pa G297 na vanguardia di enseñansa, den colaboracion cu SIMAR (Sindicato di Maestro di Aruba) y IPA (Instituto Pedagogico Arubano) titula ‘Enseñansa, nos responsabilidad’, cu a tuma luga na IPA tanto rib’e campus como online.
Meta di e conferencia aki tabata pa crea consciencia cerca tur actor envolvi den enseñansa, cu mester revisa e sistema educativo actual . Durante e conferencia a bin cu varios tema cu ta al caso cu ta na desaroyo di enseñansa y hacie na un manera cu a pidi input di e publico presente pa nan por a duna nan opinion rib’e aspectonan cu ta importante pa tene cuenta den innovacion di enseñansa na Aruba.
Director general di IPA, Marilyn Richardson, a splica cu a organisa dos tanda y cada tanda tabatin tres sesion cu un orador den diferente localidad.
Den e di dos tanda tabatin tres topico. Despues nan a sigui cu un discusion di panel, cu a consisti di e seis oradornan cu a participa n’e conferencia.
Richardson a comenta cu e publico cu a sigui e dos sesionnan aki tabata hopi envolvi rond di e temanan. Ta trata di personanan cu ta experto riba nan mes den campo di enseñansa cu a trece nan punto valido dilanti.
Locual cu kier a saca afo, uzando e diferente tema y pensamentonan cu bin dilanti, yega na un producto cortico, cu ta indica algun punto cu mester sigui atencion riba dje. Cu esaki kier a comparti cu tur e actornan necesario tambe den enseñansa.
Pa mayor cobertura lesa TREMPAN.
