Formado mr. Evelyn Wever-Croes a reuni cu diferente stakeholder, pa haya sa nan punto di bista riba diferente topico. Stichting Algemene Bejaardenzorg Aruba (SABA) a reuni cu e formado y tabata gradici di por a participa n’e tipo di reunion aki riba e parti di cuido general di grandi y cronico.
Suzy Vrolijk di SABA, a indica cu a trece preocupacion di e sector aki, tambe a comparti tur loke nan ta para p’e y brinda. A papia riba nan ideanan pa por bira un partner, unda por bin cu solucion, cambio, cambio den ley. E encuentro aki pa SABA tabata uno fructifero. A garantisa na SABA cu ouderenzorg cronico lo haya e atencion debido den e proximo gobernacion.
Un topico cu a papia ta vergrijzing, esta con e situacion ta actual y tambe con lihe e ta bayendo. Tambe a papia riba tur preocupacion cu ta bin. Na momento SABA a cuminsa, e tabata un verjaarden huis pero a desaroya di 1972 p’awendia. Awo e ta un verpleeghuis. Cuido ta rekeri mas compleho compara cu loke tabata.
Pa cobertura mas amplio, lesa e edicion di TREMPAN mañan.
