Diadomingo, den oranan laat di atardi, a ricibi e tristo noticia cu meneer Edwin Lucas, docente di Colegio Hilario Angela a bay laga nos.
Edwin ta un meneer hopi stima pa su alumnonan, colega, mayor y ex-alumnonan cu a bishita e scol.
Meneer Edwin a cuminsa traha na aña 1995 na Colegio Hilario Angela y a keda traha aki tambe. Dia 1 di augustus Edwin Lucas a cumpli 25 aña den enseñansa y por a corda hasta cu na 2017 el a gana e Appel di Oro 2017 – categoria “Maestro” y a ricibi reconocimento di Minister di Enseñansa, Ciencia y Desaroyo Sostenibel, dr. Rudy Lampe.
Pa medio di esaki ta manda palabranan di profundo condolencia na famia, amistad y conocinan di meneer Edwin Lucas. Paz na su restonan.
