Polis a activa mesora den area di parkeo di taxista dilanti aeropuerto pa un pelea formal entre dos taxista. A presenta diferente patruya como tambe ‘grenspolitie’ pa asina atende cu e situacion.
Esaki a tuma luga aproximadamente 2:00 pm ora cu a bin topa cu un persona herida. Por a compronde cu ta un problema andando pa algun tempo caba. Un di e taxistanan a laga sa cu e tin prueba den man, cu e tin mensahe caminda cu e otro taxista envolvi ta menas’e.
Mientrastanto e taxista cu a resulta herida a duna di conoce cu e ta cla pa pone un denuncia. A pidi ambulance tambe na sitio pa asina e haya asistencia. Na e momento ey no a detene ningun hende, pero no ta descarta cu esaki lo por tuma luga despues.
