Diabierna na Patio 15 a tuma luga un homenahe cu Megateca Genie a duna na dos persona cu semper tabata cu e Megateca desde su comienso.
A duna un reconocimento na Andre Werleman, un tecnico di zonido di e Megateca Genie y semper el a sostene Genie den nan evento, pa cual a rindo honor na dje, segun Edwin Croes, propietario di Megateca Genie.
Croes a recorda algun di e djnan cu awendia ainda ta activo den e mundo di entretenimento y algun di nan ainda ta cu Genie. Por menciona Dj Spike, Renzo Muscarrielo, Dj 101, Beatz, etc.
Mayoria di e djnan a cuminsa na un edad hopi jong. Semper a dirigi nan pa nan hasi uzo di nan talento cu Dios a regalanan. Megateca Genie semper tabata tin su reglanan y tur dj cu a forma parti di Megateca Genie a sa di cumpli cu nan.
Como ultimo mensahe, Croes a bisa cu tur e hobennan eyfo, cu ta desea di siña mas di e mundo di dj, por tuma contacto libremente cu nan y cu hopi gusto e lo siña nan di e mundo di dj, sin niun costo. E ta hacie cu hopi amor, pa asina mas hoben por forma parti di e mundo aki.
