Diahuebs merdia alrededor di 12:05 pm a sosode un accidente n’e t-kruising cerca di SKA na Sero Pita. Aki ta caminda cu chauffeur di un Chevrolet Aveo color oro a subi caminda y sin paga tino cu e Hyundai Grand i10 tabata biniendo for di paseit.
E chauffeur di e Hyundai a resulta levemente herida. Di otro banda e chauffeur di e Aveo a conta cu e no a mira e Hyundai ta bin mirando e mata grandi riba caminda, cu consecuencia a tuma chens pa subi y e Hyundai a bin dal contra dje. E impacto tabata fuerte y e daño material tabata hopi. Polis a cera ambos banda di caminda p’asina atende cu e accidente.
Ambulance a brinda e chauffeur di e Hyundai atencion medico na sitio. No tabata necesario transport’e pa hospital.
