Esaki no ta e prome buelta di Marisol Lopez-Tromp den parlamento. El a yega di fungi tambe como presidente di parlamento den pasado, como tambe a fungi como parlamentario y minister. Su trayectorio ta uno bastante largo y cu experiencia.
E hecho cu e ta den parlamento un biaha mas, ta cu su partido MAS a saca dos asiento dunand’e e derecho pa ta den parlamento.
Diahuebs awo Lopez-Tromp y Aquanette Gunn lo huramenta diahuebs como parlamentario y lo enfoca gran parti riba loke nan a bin ta campaña p’e, esta combatimento di corupcion, bon gobernacion y bienestar di nos hendenan.
Lopez-Tromp a menciona cu no ta importa nan si nan ta den gobernacion of parlamento. Importante ta cu MAS lo bay haci un bon trabao pa pais Aruba.