Diadomingo pa exactamente 10:00 am SMAC conhuntamente cu Cuerpo Policial Aruba haci inicio di Parada Grandi di Oranjestad. Tabatin dies grupo entre tur como 4300 participante.
Cuerpo Policial Aruba a conta cu 230 personal riba pia. Diferente departamento di Cuerpo Policial a traha hunto, entre otro: Polis Uniforma, ME, Motor Unit, K-9, AE, Mobiel Commando, Flex Team, Trafico, Planologie, Recherche, personal administrativo y CEA. Pa 4:46 pm e cabes parada a yega ex-DOW y pa 8:33 pm last lap yega su final. Djey a kima Momo mesora pa cual pa 9:15 pm tur hende a sali for di e tereno di APA.
Total a detene 41 persona. Detencion tabata entre otro bringamento, no sigui ordo di polis , buracheria, droga, arma blanco (cuchiu, bat baseball, skinops). Locual a resalta cu durante e detencion a topa cu un lighter parecido na un arma di candela. Na aña 2023 a conta cu 22 detencion y aña aki no menos di 41 detencion pa cual ta nifica un crecemento di mas cu 86%.
