Hospital a yena cu pashent di Covid-19, consecuentemente mas air ambulance a yega pa bay cu nan Bucaramanga, Colombia.
Awe tin programa cinco vuelo di air ambulance rumbo Colombia, pero no ta descarta cu den ora di marduga lo tin mas vuelo. Den ora di merdia un vuelo a sali pa Colombia cu un pasahero rond di 70 aña. Hospital tin registra te awe 54 persona interna di cual shete ta den cuido intensivo.
Prome cu e situacion a empeora, Aruba a haci un acuerdo cu Colombia pa manda pashent di Covid-19. Awo cu e situacion a empeora, hospital ta mandando varios pashent cu Covid-19 pa Colombia. Pa cada bes cu haci uzo di air ambulance, esaki ta costa Aruba hopi placa. Y esey aworaki ta costando Aruba cu cada vuelo.
