Dialuna, den oranan di merdia, dos auto a dal masha duro mes riba e cruzada di Palm Beach. Despues cu luznan a daña, practicamente tur dia, y hasta por bisa dos biaha pa dia, tin desgracia di auto riba e cruzada aki.
Dialuna merdia, esey tabata e caso, caminda cu dos persona grandi, den un auto, a yega riba e cruzada y pa motibo kizas di falta di conocemento, a pasa e cruzada. Ora cu nan a lora, net e ora tabata bin un auto riba e caminda di preferencia y a dal den otro.
E impacto tabata fuerte. Daño material ta hopi grandi. Danki Dios e personanan den e auto no a keda herida. Dos hende grandi si a pasa den un susto y nan tabata wardando pa yudansa di polis, etc. na e sitio.
Presencia di takelwagen tabata necesario pa asina hala e auto for di caminda despues di e impacto. Ainda no ta conoci ki dia nan lo bay drecha e luznan di trafico aki cu ya caba tin basta dia cu ta aña y cual motibo chauffeurnan cu no ta pone atencion 100% riba e trafico, ta haya nan mes envolvi den accidente, tanto chauffeurnan local como turista.
Despues di un rato a pidi toch pa ambulance bin na e sitio pa controla e chauffeurnan di edad y tambe polis na e sitio a cera e caminda pa asina haci nan investigacion.
