Diamars, dia 26 di September, 2017, Mary Joan Foundation ta cumpli 10 aña di existencia.
Despues di 10 aña, Mary Joan lo bay relansa nan logo completamente nobo, hunto cu Bright Bakery.
Como compania local, Bright Bakery ta dispuesto pa yuda fundacionnan mas cu nan ta posibel y ta p’esey Bright Bakery a dicidi di bin cu unp royecto nobo, hunto cu Mary Joan Foundation pa nan por relansa nan logo nobo y di biaha informa pueblo di Aruba henter uzando saco nobo di pannan di Bright (Kipashi plus, Kipashi bruin, Rolls y Hotdog) cu informacion con un hende muhe por controla su mes pa cancer di pecho. Patras di e saco Bright Bakery a laga print e instruccionnan cu el a haya di Mary Joan Foundation pa con un hende muhe por controla su mes pa cancer di pecho.
E saconan aki di pan di Bright Bakery lo ta obtenibel den full luna di October cu ta Breast Cancer Awareness Month. Bright Bakery y Mary Joan Foundation ta sumamente orguyoso di e proyecto aki y ta sigur cu esaki lo por yuda informa full pueblo di Aruba ya cu Bright Bakery su saconan di pan ta yega den un gran cantidad di cas na Aruba y e saconan di pan aki ta wordo reuza pa hopi otro motibo tambe.
Na banda di e proyecto di saco aki, Bright Bakery lo haci un donacion na Mary Joan Foundation, a base di e cantida di saconan aki cu nan lo bende durante e luna di October.
