E reunion publico yama unda cu kier a manda un minister cas pasobra e no ta funciona, a termina den dos tanda. Tur cos a keda den emocion y no mocion di desconfiansa. A entrega un mocion, unda a pidi gobierno entrega keho riba tur loke tin di corupcion of cu ta tuma luga.
Fraccion di AVP a mira cu Fraccion di MEP a reconoce di tin corupcion y pidi pa sigui cu investigacion pa por saca cara. Esaki tabata un fayo di nobatonan, kendenan a grita pa manda minister cas pero ora di yega Parlamento nan no por a cumpli. Pa AVP ora di yega Parlamento pa haci trabou na serio, pero ta mira di no tin seriedad den e trabou.
Lider di Fraccion AVP, Parlamentario Marlon Sneek, a bisa na momento di entrega un mocion di desconfiansa, ta pasobra esaki ta bon pensa, di tin pruebanan contundente cu e minister a faya y mester bay cas. Na final no tabatin prueba y casi mester a pidi sorry, pero e minister si cu mester yama ta Andin Bikker. Ta mira den documentonan di ter inzage cu tin documentonan di DIP y DOW ta bisa cu e minister a tuma decisionnan sin tene cuenta cu e consehonan aki. P’e fraccion esaki ta algo di condena y e mandatario a presenta na Parlamento pa scapa su mes, pero e documentonan ta papia pa nan mes.
Minister Lopez-Tromp a bisa di para entregamento di dos tereno na Noord y esaki a pasa pero no den su periodo. Dos tereno no a pasa e proceso di notario y p’esey ta bay para e proceso aki, pasobra nan ta den zona prohibi. E reunion a cambia completamente y ta kere e ora mester entrega mocion di desconfiansa di henter gobierno. Ta di pensamento cu nan no tin e corahe pa haci esey y ta entrega un mocion unda ta pidi pa haci un investigacion riba tur caminda cu tin corupcion.
