Marlon Sneek durante conferencia di AVP a trece diferente punto dilanti. Un di nan tabata splicando cu e meta principal ta pa sra. Evelyn Wever-Croes bira e prome dama prome minister na Aruba. Y nada mas. E no ta interes’e cu el a primintibo cu lo bay 7 minister. E lo laga su promesa cay, basta e cumpli cu e sed aki di bay bira e prome minister di Aruba.
Ta scucha discusionnan, no ta ni papia di ki cartera, ta papia di cantidad di minister. No ta ni papia di ken ta haci kico ni cu ki plan, ni cu ki vision, pero ta mira cu ora cu papia cu ta bay baha e cantidad di ministernan aki, pasobra cu e placa cu ta bin liber lo por bay hink’e den infrastructura, por bay hink’e den e caso aki, manera cu e articulo ta bisa, den salubridad publico, ta bay hink’e den enseñansa, awe a laga tur e plan cay. Si bisa cu lo bay di 9 pa 7 minister y e 17 miyon cu e mes a bisa cu lo bin liber, lo bay hink’e den combatimento di criminalidad, lo bay hink’e den enseñansa, lo bay hink’e den salubridad publico, si no cumpli cun’e, ta di unda lo saca e placa pa cumpli cu e promesanan. Un promesa ta ranca e otro. Akinan un biaha mas, a tuma nota cu sra. Evelyn Wever-Croes no ta bay cumpli cu pueblo. Tur hende ta mira ta pakico nan ta yam’e 1 April, pasobra e ta un persona cu no por para y mantene su mes na su palabranan, pero semper e ta cambia palabra y trece mentira constantemente dilanti. Ta mescos cu dia cu el a gaña cu e tabata sufri di un kebrante di salud, luga e tabata na Disney World ta keiro.
