Diamars tabatin reunion publico na Parlamento di Aruba riba presupuesto supletorio. E Ministernan a presenta na Parlamento pa scucha e preguntanan di tur Parlamentario.
drs. Marisol Tromp, Parlamentario (MAS) a indica cu esencia di henter reunion tabata riba su pregunta haci na Minister di Finansas. No tin un maneho specifico di parti Departamento pa Finansas cumpli cu e mesun Rijkswet cu pa hopi aña ta warda riba dje, pa asina e ta aproba y porfin cumpli cu loke a palabra. Por mira cu Minister Presidente ta hala tur cos padilanti, manera a haci awo cual lo tuma luga otro aña. Hera esaki no lo tuma luga den su periodo.
E esencia ta cu tin un Departamento di Finansas caminda cu loke Minister, Gobierno a palabra cu Hulanda, no por carga completamente e cambionan manera mester ta. P’esey el a puntra riba esaki. Minister Maduro a bisa di bay capacita, recapacita, pone personal pa entre otro Departamento di Finansas, cual ta uno hopi importante pa cumpli cu tur otro departamento cu ta cay bou e otro Ministernan. Fraccion MAS a mira cu e mandatario a bisa esey, e realidad ta cu nada no a tuma luga ainda.
E Minister di Finansas a hasta bisa di bay reforsa Centrale Accountings Dienst, cu a haya su mes den e ultimo añanan basta druk cu investigacion riba diferente Minister di e Gobierno aki y ainda ta druk riba esey. Ta mira cu e no ta capacitandonan. Tromp a haci su pregunta riba esey y p’e mandatario ta concreto, pasobra e ta e curason di Gobierno pa cumpli cu tur e otronan.
Pa mas lesa TREMPAN.COM.
