Di 17 di mei te cu 7 di juni e ekipo di buceo di “2nd Reconnaissance Battalion“ di “2nd Marine Division, United States Marine Corps” tabata na Aruba pa e training Caribbean Coastal Warrior. E training di buceo anual aki ta forma parti di un programa di intercambio cu e Squadron di Marina (Marine Squadron Carib -MSC), cu ta ubica na Aruba. Den esaki tanto e cuerponan di Marina di Merca como esunnan di Hulanda ta traha hunto pa asina profundisa y amplia nan cooperacion cu otro.
E enfoke di e train durante e ehercicio tabata riba e habilidadnan di buceo tactico cu un aparato di reinhalacion, y a keda ehecuta pa tanto un ekipo nobo forma, como un ekipo di buceo ya cu experencia. Pa medio di e trainingnan aki e cuerponan di Marina ta intercambia nan habilidadnan tecnico di buceo y tambe nan habilidadnan di buceo di combati cu otro.
E Mariniernan Mericano y Hulandes ta train, banda di e ehercicio Caribbean Coastal Warrior, tambe anualmente durante e ehercicio Caribbean Urban Warrior na e Campamento Mericano Lejeune na North Carolina. E ehercicionan conhunto ta percura pa intercambio di conocemento y experencia, durante cua ambos pais ta siña di otro.
