Siman pasa e barco di Marina Real Hulandes Zr.Ms. Groningen tabata vigila e area di Caribe y a participa den dos confiscacion di droga. Nan a haya 2.033 kilo di droga, asina e Ministerio di Defensa a informa.
Diasabra siman nan a haya 284 kilo riba un speedboot. Probablemente e cantidad di kilo haya ta mas grandi, pasobra e presunto contrabandistanan a logra tira un cantidad grandi na awa.
Helicopternan di barco Britanico RFA Argus a mira e sospechosonan. Asina e Hulandesnan por a gara e tres sospechosonan. A entrega e sospechosonan na Guarda Costa Mericano.
Tambe dialuna e Defensa Hulandes y Britanico a traha hunto. Botonan FRISC di Zr.SlMs. Groningen a para un otro speedboot y abordo tabatin 1.720 kilo di cocaina y 29 kilo di meth.
Defensa di Marina Real ta activamente bezig den area Caribe desde juli 2020. E luna di september nan a haya mas of menos 3 tonelada di droga.
