Riba 16 di mei ultimo Zr.Ms. Groningen a intercepta un transporte di droga di casi 2 ton den region Caribe. Dos go-fast a keda descubri pa e avion maritimo di patruya di Wardacosta region Caribe, despues di cual Zr.Ms. Groningen a drenta den accion.
Zr.Ms. Groningen a pone rumbo pa e go-fast nan y a lansa despues e helicopter Mericano y su botonan rapido di intercepcion cu tin a bordo di e escuadron di Flota di Marina y LEDET (Law Enforcement Dog Encounters Training) di Wardacosta Mericano.
E contrabandistanan sospechoso no a entrega nan mes sin mas. Esey a sosode numa despues di e tironan dirigi riba e motornan di e botonan. E cuater sospechosonan y e total di 2177 kilo di cocaina a keda entrega na Wardacosta Mericano. Entretanto a destrui e videonan y lo persigui e sospechosonan hudicialmente na Merca.
Zr.Ms Groningen ta activo atrobe desde april 2024 den Region Caribe. Esaki ta e di tres transporte di droga intercepta. E barco di Marina Hulandes a keda lansa entre otro pa operacionnan contra droga den colaboracion varia cu Wardacosta Mericano y Wardacosta region di Caribe Hulandes.
