Esunnan cu tin peticion di asilo tin di manda cierto e-mail, pero esaki ta bons bek fo’i e sistema digital di e-mail di DIMAS. Consecuentemente nan ta haya nan mes den reto cu Guarda Nos Costa (GNC).
Marilyn Wout, relacionista publico di DIMAS, a splica cu nan tin bon sinergia cu GNC. Na momento cu surgi un situacion, Guarda Nos Costa ta tuma contacto cu DIMAS. E contacto ta bay basta bon. GNC tin acceso n’e sistema di DIMAS y asina nan mes por check e status. Incluso nan tin e contactgegevens di e personanan na DIMAS y por laga check.
![](https://24ora.com/wp-content/uploads/2022/06/IMG_4714-1920x1440.jpg)
Pa loke ta e-mailnan cu ta bons bek tin di mand’e bek via [email protected] den caso cu meld box ta yen. Asina ey nan ta percura pa esakinan tambe ta soluciona.
Wout a splica cu tin biaha e sistema por tin hiccups y e cliente ta ricibi dos orden di pago. E ora ey DIMAS ta pidi na momento cu cliente ricibi dos orden di pago, pa no paga ambos pero uno so y notifica nan di a ricibi dos. Asina ey DIMAS ta percura den nan sistema internamente void un di e ordennan di pago. Pero si e cliente paga dos orden, e ora ey e cliente por pidi un restitucion.
Pa mas lesa TREMPAN.COM.