ORANJESTAD (29 di februari 2024) – Luna di maart ta habri y Marietje Printing ta cla pa Aruba henter celebra nos Dia di Himno y Bandera. Tur aña e compania local ta bin cu un diseño cu no solamente ta refleha, pero tambe inspira e amor y orguyo pa nos isla.
Pa 2024, Marietje Printing a pone atencion riba e aniversario di un siglo di aviacion na Aruba, un momento asina importante den nos historia, cu a fomenta e desaroyo di nos isla y awendia ta un pilar di nos industria turistico.
Tin dos diseño bunita. E prome ta ilustra e strea di cuater punta for di nos bandera como angulo principal. E ta indica e cuater punto cardinal: oost, west, noord y zuid y ta representa con Aruba ta yama un caluroso bon bini na bishitante for di tur parti di mundo. Tambe ta nifica cu maske nos yiunan di tera por bay afo pa studia of traha, den nan curason Aruba ta y lo keda pa semper nan hogar.
E di dos opcion ta esun cu ta ilustra un imagen for di aire di nos mahestuoso Aeropuerto Internacional Reina Beatrix. Esaki ta e prome impresion cu nos bishitante ta haya y un aeropuerto cu ta destaca na mundo ganando premio pa, entre otro, su excelencia den servicio.
Busca bo t-shirt for di awe caba. Nan ta obtenibel na Marietje Printing ubica na Gasparito 10C. Pa pedido por yama 586-8989 of email na [email protected] pa pidi bo formulario di pedido. Tshirt blanco ta costa solamente 15 florin, t-shirt di color ta 17.50 y ta bon pa remarca cu Marietje Printing ta ofrece un prijs special pa tur scol y stichting, pa apenas 12.50. Ta habri di dialuna pa diabierna entre 8’or di mainta te 5’or di atardi, non stop. Pa mas informacion, por bishita nan pagina di Facebook: Marietje Printing.
Gerencia y personal di Marietje Printing ta desea, for di awor caba na un y tur, un dushi Dia di Himno y Bandera.
