Miembro di Tweede Kamer pa VVD, Mariëlle Paul lo bira e proximo minister demisionario nobo pa Educacion Primario y Secundario. Asina Rijksvoorlichtingdienst a confirma. Paul lo bira e sucesor di Dennis Wiersma, cu luna pasa a entrega su retiro despues di varios denuncia persistente di conducta incorecto.
Su huramentacion lo tuma luga diabierna awo door di Rey Willem-Alexander.
Actualmente Paul, di 56 aña ta un di e representante di pa educacion den fraccion di VVD. El a studia ley y tabata director di Comunicacion di e compania di construccion BAM na momento cu el a drenta Tweede Kamer na 2021. Den e ultimo formacion e tabata forma parti di e negociannan di e parafo tocante educacion den e acuerdo di coalicion.
Corona-commissie
Den gran parti, Paul ta un desconoci p’e pueblo. Aña pasa e tabata druk cu e presidencia di e comision cu mester a prepara un encuesta parlamentario tocante e maneho di e pandemia di Coronavirus.
Tabata tin cierto tension den e comision, ya cu e miembronan di Tweede Kamer cu tabata forma parti di e comision tabatin diferencia di opinion tocante e seriedad di e virus y e meta di e maneho scogi door di Gobierno. Pero na final, a logra toch pa ta riba un solo liña.
A pospone e decision si lo bin un encuesta parlamentario te cu ultimo kwartaal di aña, ora c’un rapport di e Onderzoek voor Veiligheid (OVV) ta cla. Varios te fraccionnan cu a indica cu nan no tin parlamentarionan disponibel pa un comision di investigacion.
Paul ta naci na Geldrop. Su mayornan a yega Hulanda corto tempo prome for di Pakistan, door cu su tata a haya un trabou na DAF. Den su profiel riba e website di VVD e ta describi su mes como un “Brabanste cu ‘roots’ Pakistani.”
