Riba e situacion di casamento di mesun sexo, esaki tin hopi controversia. Tweede Kamer ta pone presion pa Aruba pasa ley di casamento di mesun sexo. Pero parlamentario Berlis no ta di acuerdo cu esey.
Marco Berlis, parlamentario (MEP), a expresa cu Aruba ya tin un alternativa caba, mientras cu Corsou no tin e. Aruba tin e ley di geregistreerd partnerschap. E echo cu e kier papia di esaki, ta su derecho pa haci esey.
Como politico, Berlis ta kere cu tin cierto interes na su pais. E ta haya cu mester menciona e echo cu Premier Rutte a sali bisa cu no por forsa e islanan pa tuma un decision y impone matrimonio di mesun sexo riba nan. Por mira cu e politiconan ta contradeci of nan tin opinion diferente den e caso aki.
Sinembargo, pueblo di Aruba ta esun cu tin di dicidi kico e ta bay haci. E parlamentario no ta kere cu esaki ta mara, pasobra na ningun momento esaki ta mara na un caminda den sosten financiero. Berlis a expresa di kere mirando e cultura y e leynan cu tin na Hulanda caba, nan kier mira esey den e parti dje islanan. Pero e ta enfatisa di no ta kere esey.
