Tabata obvio cu di cuminsamento caba nunca e alumnonan lo haya un chens pa haci un extra herkansing cu e minister a brinda na tur scol. E carta cu a drenta pa e extra chens aki nunca a wordo comunica cu SVOA y tampoco ningun alumno no tawata na altura di esaki. A tuma e decision aki cu solamente docentenraad.
Si Colegio Arubano (CA) tin e alumnonan di berdad na pecho, e lo no a bay haci un investigacion of busca yen di argumento pakico NO duna e alumnonan un extra chens. Pero e lo a busca un rason pakico SI duna e muchanan un extra chens.
E por a averigua cu Colegio Nigel Matthew tambe a duna su alumnonan aña pasa parti di e schoolexamen (SE) den e klas prome cu examen (voorexamenklas) caba. E alumnonan tabata tin e posiblidad di herkans esaki den examenklas e aña escolar ‘ki sin cu esaki a conta den e herkansing of e extra herkansingsmogelijkheid. E materia biologia ta un ehempel di esaki.
Tambe por a busca pa wak mas leu y pa wak cu na Colegio Arubano e herkansing cu e muchanan ta haya den e voorexamenklas no tin mes un peso cu esun den examenklas. Por ehempel pa e materiascheikunde den VWO 5 e alumnonan a haya 4 parti cu ta conta pa e schoolexamen den VWO 6. Cual un di nan so tabatin e chens pa haci herkansing cual ta conta pa solamente 5% di e cifra di e schoolexamen den VWO 6. Pero apesar di esaki CA a concidera e deel-SE ‘ki como un di e extra herkansingsmogelijkheden.
Berdad cu CA ta e unico scol cu ta duna oportunidad pa haci herkansing despues di traha tur e schoolexamennan, e alumnonan mag scoge un materia di SE-1 y un materia di SE-2.
Ta di lamenta si cu na CA e escogencia pa herkans ta limita! Den VWO 6, solamente 53% di SE-1 y 67% di SE-2 e alumnonan por herkans. Na otro school esaki ta mas amplio. Pa wiskunde por ehempel ta SE-2 so na por herkans, net un e materia cu nan a prop den otro pa bin cla cu ne paso nan tawata atrasa cu e materia. Door di lesnan online den klasnan prome cu examen e alumnonan a cay atras cu algun materia. Tin materia cu e alumnonan no a caba cu ne ainda y ningun momento a busca un otro manera pa haci esaki prome cu SE-3!
Otro cu esey na CA e herkansing ta parce un straf, paso esaki ta wordo duna despues cu e alumnonan a bay scol henter dia, ora e mucha ta cansa caba. Tin dia nan ta caba te cu 4 or di atardi cu nan herkansing. Na otro scolnan esaki ta tuma lugar parti mainta.
Normalmente e herkansingnan ta tuma lugar den 3 dia. Aña escolar pasa schoolleiding a brinda e muchanan un extra herkansing. Esaki a tuma lugar den 5 dia. No tin ningun argumento cu e rector a duna den su carta, cu tin mas peso cu duna e alumnonan un extra chens pa herkansing!
Loading…
Reload document
Open in new tab 200 mucha a yena e enquete na maart, nan tawata di opinion cu nan lo mester tin e chens pa scoge si nan kier traha e extra herkansing of no! Pero a tarda mucho pa contesta nan preocupacion y door di esaki hopi alumno a pensa cu ta laat caba debi cu nan ta den e siman di herkansing caba. Ariba dje CA no a bin cu un plan pa e materianan cu falta pa caba ainda na tempo (prome cu SE-3), dus si te tempo ta corto.
60% di e alumnonan di e aña escolar pasa a scoge pa haci e extra herkansing!
E aña escolar aki cu e alumnonan mester mas di dje, e chens a wordi kita for di nan.
A bay investiga cuanto no a logra e aña escolar cu a pasa, pero mihor lo tawata conta cada un di e alumnonan cu si a logra. Aña pasa tambe e herkansing nan a tuma lugar despues di school.
Mi a para pa interes di tur mucha cu ta den examenklas. Mi no ta solamente mayor pero tambe docente. Mi a wak mi alumnonan sufri y hasta perde motivacion door di e lesnan online.
Mi no lo reacciona mas ariba media tocante e tema aki, mirando cu Colegio Arubano NO a duna e alumnonan un extra chens!
Pero pa tur cu ta interesa den e argumentonan cu CA a duna pa NO brinda su alumnonan un extra herkansing por subi e Facebook page LEERLINGEN Middelbare School op Aruba in NOOD. Wak e album CA NO TA DUNA EXTRA CHENS PA HER. Por wak tambe tur e documentonan cu e articulo aki ta basa ariba dje.
Succes na tur alumno den examenklas, you can do this!
You should always speak up even you don’t get the solution you were looking for! It’s the fact that you said something that matters!
