Gloria na Dios .Romanos 12 vers 17 -21 ta bisa asina. Nunca paga malu cu malu na ningun hende. Respeta loke ta corecto den bista di tur hende . Si ta posibel asina lew cu ta depende di boso, sea na paz cu tur hende. Nunca no venga boso mes, stimanan, ma laga luga pa e furia di Dios,pasobra ta para scirbi: Ta dimi vengansa ta , Ami lo paga bek , Señor ta bisa. Ma si bo enemigo tin hamber dune di come, y si e tin sed dune di bebe,pasobra ora bo haci asina lo bo montona carbon sendi riba su cabes, No laga malo vencebo, ma mas bien vence malo cu bon.
Revancha den famia a bira algo normal, cu dos persona ta separa, y cu ta cuminsa biba un bida di revancha, pa wak kico mi por kita for di bo, kico ta e cosnan cu mi por ponebo paga,con mi ta keda cu e muchanan y den un palabra bisa con mi por haci bo bida mas dificil posibel.
Awor Revancha ta un bril Chumbo, e ta pisa pa carga y imposibel pa wak door di dje. Una vez e bril ey wordo bisti, inmediatamente tur vishon ta bira scur.
Pasobra e pareha ta perde tur control y respet y e yiunan ta esnan cu ta sali mas perhudica, y hasta e revancha ta bira legal ora ta ley ta dicidi.
Pero den e momento ey tur hende tin mester di Dios, pero Dios no ta forma parti di revancha, bo no por haci oracion pa hende cu ta den revancha cu otro, si nan no ta dispuesto pa pordona.
Pasobra revancha ta bini for di un falta di pordon extremo, un cos cu ta sali for di Odio y ta drentando caminda di Amargura.
Amargura ta un cancer mental, cu poco , poco ta baha den e curpa y ta causa malesa cu ta duro pa cura.
Pasobra amargura ta manera un cuminda cu a keda pega den bo tripa y cu despues di tempo ta bin haci bo malo , pasobra e no a fermenta.
Asina tambe revancha ta haci den famia, pasobra nos ta nota cu revancha ta pasando di generacion pa generacion, esey ta nifica cu locual e bieuwnan no a pordona, e hoben ta sigi cu e gera.
Den politica nos ta mira den hopi pais incluyendo serca nos mes, hopi biaha un gobernacion cu ta parce un gobernacion di revancha, wak pa bo mes, despues di un eleccion, hefenan di departamento ta wordo cambia, nan no ta bon mas, ta kita nan for di trabao ta ofrece cantidad di placa pa nan bay, basta por pone uno cu ta nobo, y no ta importa cuanto hende wordo kita for di trabao cuanto tata y mama keda sin trabao y nan yiunan sin cuminda, basta nos pone esnan cu ta di nos na trabao. Anto esaki ta e punto ora nos ta actua asina ,Dios ta sera porta. Y nos por bisa cu nos ta bendiciona, pero poco poco porta ta sera, pasobra furia di Dios ta lanta contra tur inhusticia.Y aunke nos por legalisa algo na tera, dilanti di Dios e ta keda inhusticia.Proverbio 21 vers 3.
Hopi biaha bo ta mira un persona ta pasa den tempo dificil, bo ta puntra bo mes kico falta e persona dicon cos ta malo pe, bo ta trata di yude pero toch e no por sali,pa dilanti, ta pasobra e tin revancha riba su curazon, y a bira amarga. Un pareha cu tin revancha contra otro bibando hunto no por sali pa dilanti miemtras cu nan no regla e asunto.
Revancha hopi biaha ta bini door di infieldad, y maltrato, y asuntonan di Famia
Tin hopi mucha ta sufri pa motibo di revancha di nan mayornan.
Awor aki tin Covid, y tur cos ta cay riba Covid, pasobra e nomber ta facil pa menciona, pero con bo curazon tabata prome cu Covid , e tabata yen di revancha, pa mustra cu bo ta mihor,nos no por culpa Covid di tur cos, wak Romanos 12 vers 16.
Hende no a wordo traha pa venganza y revancha sino pa amor y pa bendiciona otro.
Stima bo prohimo y ban trata otro bon Romanos 12 vers 17 -21.
