Gloria na Dios , un bon siman yena cu gracia y favor di Dios , Señor ta bon grandi y sublime.Caribisch Orgaan voor Herstel en Ontwikkeling- COHO.Ta un acuerdo firma entre HULANDA y e islanan Aruba, Curacao y St Maarten, como yudansa den e tempo dificil, pa restauracion, cooperacion, reactiva economia, y mas cu tur cos un guia y coreccion, pa añanan cu ta bini.E nomber COHO si busca su nificacion sea riba Google of den un diccionario, bo ta haña como contesta, algo mancaron, lam. paralisa etc. Pero nos ta cambie pa asina pone Dios aden y nos lo tin exito. CONFIANSAOBEDENCIAHALSAORACION.
Pero nos tin cu wak y kere cu e palabra di Dios ta bisa cu ningun coho cu a bini serca Hesus a keda coho, esey ta duna nos e garantia, un biaha mas cu si nos haci oracion nos lo sali for di e situacion aki.
Coho ta e nomber , pero e spirito di coho nos ta rechase den nomber di Hesus, pasobra a yega tempo pa cosnan nobo, pasobra den cada cas mester lanta un oracion pidiendo Dios pa yuda nos y habri porta di bienestar pa nos y nos yiunan y nietonan. A keda demostra den Dios su palabra , cu e ta haci tur coho liber, e ta bisa nan lanta ariba cohe bo cama y bay bo cas. Pero tin cosnan tambe cu ta haci nos coho spiritual, y cu nos no ta tene cuenta cune.
Pa cuminsa: KEHAMENTO, hende cu ta keha henter dia no ta agradecido na locual Dios ta haci pa nan y pesey nan bida ta keda tranca, pa motibo di no ta gradecido na nos Señor, esey kiermen cu nan ta bira ciego pa bienestar.MURMURACION: Historia ta mustra nos con e pueblo di israel a muri den desierto pa motibo di murmaracion, kier men nan tabata mira bondad di Dios pero toch no tabata agradecido, den tur cos nan tabata piki fout, nan no tabata keda contento cu bondad di Dios, semper nan tabata murmura.MENTIRA: Diabel ta tata di mentira, y cada biaha cu nos ta gaña nos ta adapata cultura di diabel, cual ta perhudica nos comunicacion cu Dios, y ta stroba avance den nos bida. Librabo di Mentira.
ORGUYO den un palabra bisa orguyo ta enemigo di Dios, Hende Orguyoso mester lesa Proverbios 16 verso 5 , y mira y compronde cu bo no por sigi den mes situacion, cu tin castigo di Dios ta sperabo. Por ta bo ta tipo di hende cu ta bisa cu Dios no ta castiga, awel e ta para scirbi, y si e ta para scirbi, ta un spiertamento pa nos, cu Dios ta hacie .Orguyo ta kibra henter un Famia, y hasta a keda proba cu pa Pharao su orguyo y curazon duro , cual ta bini dimes huntu cu orguyo e a hiba henter e ejercito di Egypto na destruccion den Laman Corra.Como mayor den e situacion actual, laga nos lanta nos oracion, pa Dios guia nos, duna nos sabiduria, pasobra e peso mayor ta bini pa e pueblo y sin guia di Señor e lo bira hopi duro pa nos carga.
Haci Oracion sin stop, ta algo cu nos mester bay implementa pa nos por beneficia di e situacion aki.No a sobra tempo pa persigi ni tampoco bringa otro, tempo cu dia lo bay mustra cu nos tur tin mester di otro, pa asina nos yega na e caminda cu Hesus mes a pidi su Tata den Juan Capitulo 17 vers 22 , pa nos ta uni mescos cu E y su Tata ta uni. .E asunto aki ta serio , y tambe e ta pone nos den un posicion, den cual cada persona lo corda riba 2 Cronicas 7 vers 14, den cual Dios ta bisa cu si cu pueblo cu a wordo yama na su nomber, humiya nan mes busca su cara y haci oracion, E lo scucha oracion y sana nan tera.
Y a yega e momento cu nos tin di siña on the hard way cu no tin ningun cu por sana e tera aki cu no ta Dios. E momento a yega pa nos tur tene na cuenta cu nos ta depende di Dios, e situacion cu nos ta aden actualmente, ta pa nos ripara un biaha mas cu sin Dios nos no por. E situacion aki ta un set up pa hende bira cara bek pa Dios , y asina Dios lo tene misericordia di nos pais.
Cu Confiansa den Dios, y Obedencia na Dios , nos ta Halsa Oracion na Dios, kende ta e Todopoderso y ta scucha y contesta oracion, mescos cu bo tin oracion den bo cas na halto contra Covid, awel aumenta bo oracion , pasobra esaki ta pa cubri generacion nan cu lo bini despues di nos. Na Dios tur e Gloria, corda cu tur coho cu a bini serca Hesus a wordo sana, laga nos no laga Dios afo y despues nos tin cu lamenta, un biaha mas laga cada paso cu nos tuma den nos cas ta cu consulta di Dios.Den nomber di Hesus, tur locual ta coho, lo para straight riba nan curpa, pa nos por avansa y prospera den tur cos.Pastor
