Tres siman pas duana na waf di Rotterdam a confisca un lote miyonario di cocaina procedente for di Boneiro. Ta trata aki di no menos cu 543 kilo di cocaina cu duana a descubri scondi den un container den cual tabatin hero bieu aden.
E container ta destina pa un compania cu ta procesa hero bieu na Oud Gastel, den provincia Noord Brabant.
![](https://24ora.com/wp-content/uploads/2024/07/WhatsApp-Image-2024-07-04-at-09.05.40_bfb99159.jpg)
A intercepta e droga foi dia 17 di juni caba, pero te awo autoridad a keda cla e investigacion y a dicidi di public’e. Nan a conclui cu e compania unda e container mester a bay no ta culpabel, pasobra a uza nan como ‘facilitaire prooi’.
Investigacion ta continua y un ora pa otro por spera cu detencion lo cuminsa cay tanto na Hulanda como tambe na Boneiro.
Entre tanto polis Hulandes a destrui e droga mes caba. E balor di e droga ta di mas o menos 40 miyon Euro.