Diamars mainta un famia a drenta un supermercado Win Lee pa horta y kier a ataca Chines. E conoci
V.K. di Rancho hunto cu su dos yiu, kendenan ta conoci pa polis, ta move di un luga pa otro. Polis a ricibi
hopi keho over di e famia aki cu na varios ocasion ta drenta luga di hende y ta hunga un wega pa desvia e atencion di e doño pa asina horta den e supermercado.
Mientras cu e famia ta den e supermercado buscando articulo pa horta, e Chines a mira riba camara con un di yiunan homber ta horta un boter di glacial. E yiu di Chines a yega y nan a wanta e famia pa por a
mira e camara.
E famia a resisti y un pelea a cuminsa den e supermercado lagando un di e bringadonan
cu sla na curpa. Mesora V.K. a yama polis informando di e pelea cu tabata tumando luga den e supermercado.
Polis a presenta rapidamente pa atende cu e situacion poniendo presion riba e famia,
kendenan a saca e boter di glacial cu nan a sconde.
Polis a core cu e famia for di e sitio. Polis a confirma 24ora.com cu nan a horta e boter di glacial y a entrega esaki bek.
Aki un video di personanan cu tabata na e sitio di e pelea pafo di e supermercado.
