Diamars mainta diferente unidad policial a presenta den caya Mangasina pa detene un mama y yiu muhe. Ta sospecha cu nan ta meti den caso di ladronicia y destruccion.
Na yegada di recherche e detencion no a bay facil. E recherchenan a haya nan mes ta pidi pa refuerso. Cos a bay for di man na momento cu a dal un recherche. Polis a detene ambos sospechoso di cual un di nan a uza un lenguahe indebido contra e polisnan.
Mientras cu polis tabata hinca e sospechoso den transporte policial, un homber a sali pafo. Aki polis a push’e y dun’e ordo pa bay paden bek.
Ta acusa nan di ta horta y destruccion. A transporta ambos pa warda di polis, unda cu ta presenta nan dilanti un subfiscal. E subfiscal ta revisa e acusacionnan y scucha e detenido pa despues tuma un decision sea ta lag’e bay of ta keda deteni.
