Awe diadomingo mainta, durante e celebracion di misa den e parokia Inmaculada Concepcion ma Santa Cruz, Pastoor Jairo Maduro a anuncia cu Maiky Croes ta e Tata di Aña di nan parokia. Consecuentemente el a sinta riba altar riba e stoel di honor, riba pleno Dia di Tata.
Pastoor Jairo Maduro tabata contento di anuncia e scogencia di e aña aki. Papa Maiky ta dirigi e koor di misa pa mas di 50 aña caba, anto di forma boluntario. Masha poco hende ta haci trabou boluntario asina pa tanto aña.
Maiky Croes a perde su señora, Tanta Ada, aña pasa. Su señora tabata e ruman mayo di defunto Betico Croes. For di nan matrimonio a nace e yiunan Maikito, Franklin y Aldrich. Y sin lubida nan yiu Hilward Croes, cu a fayece algun aña pasa.
Nos ta felicita Papa Maiky cu e honor aki awe. Un tata ehemplar pa su yiunan y pa henter e parokia di Santa Cruz.
