Na Nieuwspoort, Den Haag, ta tumando luga e di 33 congreso InterExpo. E tema trata e biaha aki ta relaciona cu ‘Gezamenlijke verantwoordelijkheid, gelijkwaardigheid en wederzijds vertrouwen binnen het Koninkrijk der Nederlanden (Responsabilidad conhunto, igualdad y confiansa mutuo den Reino Hulandes).’
Un di e temanan cu a bin dilanti ta loke Boneiro ta aden n’e momentonan aki, esta un gemeente. Daisy Coffie, lider di M21, a splica cu e prome dia a bay hopi bon. Nan a ricibi hopi informacion. Tambe e ta hopi notabel cu e informacionnan ricibi ta aplicabel pa Boneiro. M21 a ricibi basta informacion riba con e gemeente ta hinca den otro.
Coffie no ta di acuerdo cu tur informacion duna durante e InterExpo. Incluso e ta kere cu tin colega ta pensa manera su persona. Un sitado di un di e oradornan a bisa di “no sa unda nos ta bay y ta den caminda scur.” Esey ta bin di e cantica di Tula.
Pa loke ta trata Boneiro, nan sa unda nan kier bay. E pregunta cu ta bin dilanti ta, te unda Hulanda ta dispuesto pa aporta cu nan y traha como coopera cu nan den un samenwerking pa nan por yega n’e meta cu nan kier. E meta aki ta hopi cla y esey ta e deseo di tin mas autonomia den e posicion cu nan ta.
M21 ta consciente cu Boneiro no por ta un gemeente 100% di Hulanda, pasobra esey ta significa cu nan mester integra 100% den Hulanda.
Pa mas lesa TREMPAN.COM.
