Luis Oduber ta director di WEB Aruba NV y tabata un orador durante di e masterclass di PWC. PWC a busca oradornan cu por inspira otronan cu a participa den e masterclass. El a menciona cu el a wordo yama na cuminsamento di aña, bisando cu lo bay tin e masterclass. E masterclassnan aki a cuminsa chikito y Ruben Goedhoop a bis’e cu lo bay haci’e local y pa e ta un di e oradornan. E ta algo cu ta sak’e for di su comfortzone, aunke cu el a yega di duna varios presentacion pero riba e parti tecnico. Esaki ta algo cu nunca el a yega di haci. El a pense y a tuma e reto. Leadership, ta all about challenge, Oduber a splica.
Na WEB tin hopi diferente hende y loke ta bunita di e idea cu a tene local. Oduber a atende hopi seminario riba leadership na Merca, Europa y Aruba tambe, hopi biaha ora hendenan ta bin di afo, pero nan ta papia di experiencianan di otro pais. Si por a scucha e diferente oradornan durante di e masterclass aki, ta hendenan local y por siña di otro.
Oduber a yega di bay na un conferencia na New York, cual ta tremendo, pero no por aplica e puntonan na Aruba.
Pensando kico e ta haciendo y cu e por comparti cu otro y a scoge pa touch e parti humano. Den WEB, nan ta industrial, hopi ekipo, hopi mecanica y hopi cos ta draai, pero ta hende ta para tras di dje, ta hende ta mantene, y ta hende ta opere. Y hopi biaha nos ta neglisha e esfuerso cu nan ta haciendo y tambe con ta guia e hendenan, door di bisa nan pensa riba nan mes, pakico ta haciendo riba e trabao. Den su tema tambe ta bisa “who’s counting on me.” Den e caso di dje mes, ta su famia, su mes, empleadonan. E empleadonan tambe, ken ta conta riba nan. Ta papiando stress riba safety, nan famia ta rely riba safety. Na entrada di WEB ta bisa cu manera cu bo drenta WEB, nos kier bo bay bek. Esey ta e retonan na Aruba, con bo ta challenge diferente hende. For di manager, ingeniero, te na e posicionnan di mas abao den e organisacion, bo no por guia tur persona mescos. Cada grupo ta diferente. Loke a papia den su discurso ta, cu el a scoge riba su mes cu el a bay dicidi sinta, bin cu un programa cu yama “Ban sinta hunto”, caminda cu ta sinta tur siman, tanten cu e trabao ta permiti, si e ta na Aruba, un of dos biaha cu empleadonan den grupo chikito. Scoge di entre 4 maximo 8. No mag surpasa 8 y e dia ey ta implementa ideanan riba mesun nivel. Si ta operator ta operator, si ta technician ta technician, si ta mecanico, ta mecanico, pa hunto papia directamente cu e director y comparti nan preocupacion, preguntanan. One on one, eynan mes nan ta habri. Un persona ta tuma nota, pero no mag di skirbi ningun nomber. Ta skirbi hechonan so. Naturalmente ta hopi reunion, casi 300+ empleado, dividie den 4 pa 8, toch ta basta reunion. Pa por haya e notanan pa por actua riba nan. Esey ta e mensahe di su presentacion.
Tambe pa no perde den tecnologia. Aunke cu WEB ta un compania hopi tecnico y ta haci hopi uzo di tecnologia, pero e mensahe tabata pa e handshake. Ban mantene handshake, ban mantene contacto personal, pasobra personalmente bo por duna confiansa. Via un email, un carta, bo no ta haya confiansa. Personal, e handshake ta hopi importante tur caminda. Na trabao y na cas.
Importante pa empleadonan participa
Oduber ta recomenda tur empresa cu por, pa scoge en principio e lidernan, pero e biaha aki a manda mas cu lider, diferente trahado pa nan participa pa nan mira unda nos ta bayendo. Lo yega un dia cu ta yega trabao y mayoria di e hefenan no tey y nan ta puntra kico nan a bay haci atrobe. A cumpra carchi, duna diferente colega e biaha aki pa nan participa y nan a aprecia esey hopi. Na final, nan tambe ta forma parti di e team di WEB. E team di WEB no ta Oduber, no ta gerencia. E team di WEB ta tur 317 empleado cu tin.
