Diabierna anochi den un Centro Deportivo Betico Croes colma cu hende, e tan spera Caribeaan Fighting Championship number 5 a tuma lugar. Mester bisa cu e atendencia un bes mas tabata super bon mientras e peleanan entre nos propio atletanan di MMA y esnan di exteerio principalmente contra di Republica Dominicana.
E eventonan di MMA ultimo anjanan a hopi popular na Aruba y ta atrae varios peleadornan for di tur parti di nos region y continente. E peleanan di diasabra ultimo tabata sigur di bon nivel unda e publico presente a sa na duna respaldo na cada un di e atletanan aki cu ta hasi nan maximo esfuerzo pa duna un bon bataya na esnan presente. Tur pelea a pone e publico lanta y aplaudi cu gritonan duro. Algo cu sigur a resalta e anochi aki tabata e dominio di e atletanan di MMA procedente di Republica Dominicana cu a sa na gana tur nan combatenan y e mayoria den forma convincente. No por keda sin menciona e “main event” di e anochi entre pealeador Hulandes. Michael Kuiper y e MMA-er local Adrick Croes cu a duna esnan presente un show completo cu Croes comoe vencedor na final di a anochi. Sin duda e organisadornan por wak bek tras di un evento exitoso y tur cos ta mustra cu den luna di oktber proximo lo bay tin un revancha entre Aruba y Republica Dominicana den e CFC 6. Lotto semper aportando na nos atletanan y e deporte local kier a manda un palabra di pabien na e organisadornan di e CFC 5.
