Departamento di Obra Publico ta informa cu lo bay cuminsa cu trabou di asfaltamento di e caminda dilanti di e waf chikito na L.G. Smith Boulevard.
E caminda paden, cu ta core paralel na L.G. Smith Boulevard lo bay ta cera anochi desde 3 di augustus te cu 7 di augustus 2021.
- En conexion cu e trabounan menciona Departamento di Ora Publico ta pidi tur automobilista pa no haci uzo di e caminda indica pa staciona.
- E trabounan ta tuma luga for 7:00 pm pa 3:00 am y lo dura 4 dia.
Lo indica e ceramento cu borchi y baricada di trafico. DOW ta pidi pueblo di Aruba y tur automobilista pa tene cuenta cu e trabounan aki y e inconveniencia cu lo por surgi pa cual nos ta pidi nos disculpa y ta gradici pa e comprension y cooperacion.
