Lite Life Medicab ta un compania cu tin mas cu 18 aña brindando e servicio na e comunidad di Aruba. Nan tin un trabou di transporta pashent. Pashentnan ta nan clientenan y pesey nan ta duna nan un servicio tur dia pa hiba nan e destinacion di cuido y trece nan cas bek. Un pashent cu mester bay Dialyse y otronan cu mester bay sea dokter of Wonden Poli ta wordo hiba cu e flota di Lite Life Medicab. Awor nan a caba di amplia nan flota un biaha mas cu un ambulance. E ambulance aki no mester lo duna servicio di emergencia pero si lo wordo usa pa cierto servicionan cu ta rekeri ambulance. E pashent semper mester di un servicio comfortabel. Esey ta loke tambe Lite Life Mdicab ta zorg pe. Esaki ta añadi un extra servcio. Tin servicio pa trasporte clientenan cu ta cana bon, clientenan den rolstoel y awor tambe clientenan cu mesteer bay riba cama. Esey ta sosode den e ambulance nobo ta parti di e flota. Esaki ta e unico compania cu un servicio asina profesional y cu personal responsabel cu autonan comodo pa tur cliente. Nan tin un servicio cu ta cuminsa trempan prome cu solo sali y ta sigui te cu atardi laat of anochi pa cumpli cu e clientenan. Hopi empleado prepara ta forma parti di e servicio duna pa Lite Life Medcab. AZV ta un di e clientenan mas grandi di e compania Lite Life y trahando desde comienso cu nan.
