Den luna di november, debi na conscientisacion di salud, Lion’s Club tabata organisa un programa di salud unda cu a duna comunidad un chens pa libremente nan drenta haci varios test riba sucu, presion, etc. pa nan por tin un idea con nan condicion di salud ta.
Segun Bibi Arends, miembro di Lion’s pa via di COVID no a hacie mas y awo a bin bek cu ne e aña aki na Xavier University.
Lion’s Club ta haya ayudo di e studiantenan cu ta sigui nan estudio di dokter eynan, cu ta haci tur e testnan.
Adicional, segun Arends, a haya un tremendo cooperacion di Xavier University un biaha mas.
Segun Arends, e publico ta drenta y ta haya un guia di parti di e miembronan di Lion’s, unda cu den un gang, ta bay di camber pa camber, unda cu tin un test. Na final di e testnan, ta haya adicional, cu cooperacion di Laboratorio Familiar cu ta coopera den e campaña aki, ta bay duna un conseho a base di e resultado di e test.
E ta hopi bon segun Arends, pasobra ta haya banda di e resultadonan, un conseho con pa continua.
Dr. Arun Prassad, decano di Xavier University, a splica di su banda ta gradici Lion’s Club e oportunidad pa traha cu e comunidad local.
E studiantenan semper nan ta dispuesto pa traha cu e comunidad local treciendo conscientisacion di salud entre e poblacion di Aruba.
E feria di salud aki lo tuma luga diabierna y diasabra di 3:00 pm pa 6:00 pm por pasa na Xavier University por nada. Cualkier hende cu kier mas informacion por haya esaki na 5930933.
Ta haci un yamada special pa henter comunidad den e dianan aki cu ta dianan di fiesta, ta bon pa sa con e salud ta y gradiciendo tambe na tur hende cu ta cooperando cu e feria aki cu lo tuma luga diabierna y diasabra awo.
Pa un cobertura mas amplio lesa e edicion di TREMPAN di mañan.
