Temporada di campamento 2023 ta yegando y manera e añanan anterior, hopi persona gusta bay campa. Pero pa por bay campa semper mester pidi un permiso prome y sigui tur instruccion p’asina por campa.
Vocero di Cuerpo Policial (KPA), Liliana Rasmijn, a splica cu hende no por yega kies un luga pa campa, pasobra e prome stap ta pa pidi un permiso (vergunning). Desde cu aña a habri ya caba tin persona a haci peticion pa campamento, unda nan sea a pasa na warda di polis of via website di KPA door di download e formula, yena esaki y entreg’e. Aña pasa a duna un total di 188 permiso na henter Aruba.
Ta spera cu e aña aki mas hende ta bay campa. P’esey Rasmijn a pidi pa haci e peticion mas trempan posibel, pa motibo cu tin biaha sa pasa cu famia ta pidi mesun luga. Esun cu entrega e peticion prome, mayoria bes ta haya e luga cu nan a pidi.
REKISITO DI PETICION
Riba e formulario ta haya tur rekisito caba. Despues di a download e formulario, ta bay na warda di polis cu un identificacion valido, stampia y yena exactamente unda bo kier campa. Incluso mester pone cuanto tent ta bay cu ne y e cosnan cu lo ta poni n’e luga cu ta bay campa. Segun Rasmijn, cada cos poni, ta cobra pa nan.
Pa mas lesa TREMPAN.COM.
