China, Myanmar y Belarus ta top riba e lista cu e cifranan di mas halto pa loke ta trata periodistanan encarcela. Mientras cu 12 periodista extranhero a keda deteni na Rusia, incluyendo Evan Gershkovich di Wall Street Journal y Alsu Kurmasheva di Radio Free Europe.
Segun un reportahe publica diahuebs 18 di januari pa CPJ (Comision pa proteha periodista) a revela cu 320 periodista rond mundo a keda encarcela na 2023. E cifra aki ta representa e segundo di mas halto desde cu e comision a cuminsa su censo anual na 1992. CPJ a describi e cantidad di detencion manera un intento preocupante den purba na silencia periodistanan independiente, notando cu mas cu un tercer parti di esnan encarcela tabata na China, Burma y Belarus. E estudio ta mustra con profundo e nivel autoritario ta rond mundo na momentonan aki, cu varios gobierno pushando un agenda pa preveni informacion critico yega den publico.
E reportahe tambe ta subraya cu Israel ta mara na Iran den e di seis luga, su posicion di mas halto te cu ainda segun lista anual di CPJ, cu 17 periodista di Palestine deteni desde comienso di e guera entre Israel y Hamas riba 7 di October 2023, ora cu teroristanan a ataca teritorio di Israel den un atake cu a laga mas di 1,200 persona morto.
Algun gobierno ta hasta bay un stap mas leu y purba na uza tactica di reprimi y menasa periodistanan cu ta fuera di nan frontera. E accionnan intimidante por ehempel biniendo for di Moscow ta dirigi un avalancha di detencion pa periodistanan di Rusia, deportando nan pa nan pais pa asina enfrenta cargonan di terorismo despues di keda deteni na pais bisiña Djibouti.
