“Educacion ta keda e tema mas importante pa mi como un hoben adulto y un studiante. Pa mi coleganan studiante na Hulanda ayera, 20 juni 2024 Minister-kandidaat Bruins a bin Tweede Kamer pa defende e maneho di ‘ langstudeerboete ’. Esaki ta un maneho nobo cu gobierno Hulandes kier implementa cu ta delinea den e ‘hoofdlijnen akkoord Hoop, Lef en Trots’ . Esaki ta forma un problema real pa hopi studiante di Aruba cu por yega na tarda un tiki mas pa termina nan estudio.” Esaki Leonardo Figaroa, fundado y politico di Partido Direccion Politiea (PDP) ta expresa den un declaracion duna.
Lo considera pone un boet, pasobra si studiantenan loop uit cu nan estudio mas cu un aña, e studiante aki lo mester paga 3000 mil euro
mas, cu ta traduci na 6000 mil florin adicional. Den e plannan di e gobierno nobo tambe ta cu e collegegeld lo subi na 2530 EU. Cuminsando
2026-2027 e langstudeer boete lo keda implementa. Gobierno Hulandes ta calcula cu e boet aki lo genera 282 miyon EU den caha di gobierno.
“E maneho nobo aki ta forma un preocupacion grandi pa nos partido si nos ta mira cu hopi studiante na momento di yega Hulanda durante nan prome dos semesternan ta opta hopi biaha pa cambia nan estudio y esaki lo por tin implicacionnan financiero negativo pa e studiante.”
Lenguahe Hulandes ta bay wordo promovi prome!
Den e acuerdo di gobierno tambe tin un punto menciona cu e ‘verengelsing’, esta cu hopi estudio ta wordo brinda na Ingles lo stop. Gobierno Hulandes kier percura pa mas hopi estudio posibel por wordo brinda den e idioma Hulandes. E argumento di e maneho nobo aki ta cu e ta mucho atractivo pa studiantenan internacional emigra pa Hulanda. Esaki lo presenta un reto mas pa e nivel di educacion na Aruba. Hopi studiante tin reto cu e nivel di Hulandes, esaki ta hacie dificil pa e studiantenan di Aruba cu den futuro lo kier emigra pa Hulanda pa continua cu nan estudio den un idioma cu no ta facil.
Mas ‘ numerus fixus ’ lo bira e maneho nobo
Un otro informacion importante ta cu riba cierto educacion y estudio lo tin un maximo cupo disponibel. Aunke ta indica te cu awo cu den e
acuerdo di gobernacion esaki lo ta pa studiantenan di exterior, e preocupacion grandi cu nos tin ta cu studiantenan di e region Caribe Hulandes ta enfrenta discriminacion continuamente. Y cu e maneho nobo aki lo por forma un peligro pa e studiante cu kier sigui profesionalisa su mes.
Nos proposicion
Enseñansa na man di Minister Endy croes no a ricibi e atencion necesario y evolucion necesario cu vision pa brinda studiantenan y hobennan cu mas oportunidad. PDP ta spera cu e minister en cuestion por actua di biaha y por cuminsa manda carta riba e preocupacionnan menciona pa garantisa cu e siguiente generacion di studiantenan no wordo perhudica den futuro. E ta importante pa tin un vision basa riba futuro algo cu e gobiernonan desde nos Status Aparte nunca a tene cuenta cu ne.
E vision ambicioso di PDP ta pa modernisa e Landsverordening Universiteit van Aruba, amplia e candidad di facultad y crea un state-of-the art University campus cu lo motiva mas hoben adulto terminando nan estudio secundario pa sigui profesionalisa nan mes aki
na cas.
Pone mas atencion ariba e tema di long life learning y stimula mas ‘ deeltijd programma ’ pa e grupo di empleadonan cu kier sigui
profesionalisa nan mes. Apart di e 248 miyon florin cu PDP lo kier pone disponibel pa educacion, e vision di e partido ta pa inclui un 10 miyon adicional pa universidad anualmente na fondo di subsidio.
Educacion nunca por wordo mira manera drispidimento di fondonan publico. “Nos gobierno tin un responsabilidad constitucional hancra
den articulo I.20 di capitulo uno cu ta e derechonan fundamental. Nos partido kier mira mas fondo wordo buta disponibel den educacion!”
