PWC a tene su Leadership Conference. Tabata tin diferente orador di taya local. Den e caso aki, Mario Arends kende ta Cruise Manager na Aruba Tourism Authority, tabata tey presente. El a splica cu e tabata un bon oportunidad. E mes a participa den diferente masterclass di PWC. E aña aki cada biaha nan ta keda haci’e, nan ta step up cada biaha un tiki mas. E aña aki por a nota di berdad algun orador di hopi taya. Por a comparti cu e publico e ora kico ta den nan perspectiva, e parti cu ta haci liderasgo importante. Tabata tin diferente opinion, pero sigur tabata tin hopi cos en comun. Tanto di e parti humano, pero di e parti tecnico tabata interesante pa wak nan opinion den esey. Tabata tin tur diferente ramo di turismo, cual ramo cu Arends mes ta aden, pero tambe por a haya e ramo di telecomunicacion, etc. Definitivamente e ta hopi recomendabel y fructifero. E opinion y recomendacionnan sigur ta hopi balioso.
Un tiki mas rico na conocemento
Arends a splica cu e experiencia cu a wordo comparti, sigur ta na beneficio pa tur hende cu tabata den e audiencia. Sigur p’e, tabata tin algun cos cu e por a reconoce den su mes y tambe den e parti di e trabao cu e ta fungi. Sigur e ta yuda di wak cosnan diferente y mira otro opinionnan cu por ta hopi beneficioso pabo.
Grupo
ATA tabata bon representa. Tabata un grupo grandi di nan y mescos cu e otro companianan. Por a mira toch un ambiente basta great.
