Aña pasa polis a kita un vehiculo for di comerciante Checo Wernet, kende ta traha specialmente pa core cu e turistanan rond di nos isla. E situacion a bira uno fastioso pa Wernet despues cu el a haya un e-mail di fiscal Patrick van der Biezen su auto no tabata para mas na warda di polis di Santa Cruz. Desde momento cu a kita e vehiculo, a informa e comerciante cu pais Aruba ta responsabel na momento di confisc’e.
A dura shete luna p’e por a haya un contesta di fiscal, kende a duna oke p’e busca su auto. Momento cu a kita e auto fo’i dje, unda el a pidi pa kita algun cos dje auto, a bis’e cu Pais Aruba ta responsabel p’e auto. Dia cu el a haya e e-mail pa busca su auto, el a haci esey pero a haya sa cu su auto a bay Daltra pa plach’e. Como cu e tin conoci eynan, mesora el a tuma contacto cu nan informando nan di tin carta di fiscal pa busca e auto. Aki a inform’e cu a cuminsa placha e auto.
Al parecer, Minister Rocco Tjon, encarga cu husticia, lo a instala un comision unda pa haci un limpiesa general den e garashinan di tur e wardanan di polis. Interesante pa sa, ta ken a duna ordo pa bay cu e vehiculo aki, siendo cu e tin aprobacion di Fiscal Patrick v/der Biezen, cu ta bis’e cu door cu el a cumpli cu tur e rekisitonan estableci, e por haya su vehiculo bek.
Momento cu el a yega na Daltra, el a ripara cu riba e auto no tabatin ningun speaker ni waya ni motor. A informa Wernet cu e auto a bin fo’i warda di polis sin nan caba. Dia a kita e auto fo’i dje y e kier a kita tur su cosnan, a bis’e cu no y Pais Aruba ta responsabel na momento cu a confisca e vehiculo.
Pa mas lesa TREMPAN.COM.
