Diadomingo anochi na Caya Jose Geerman, ex-Congoweg, a sosode un accidente. Aki un chauffeur femenino a perde control di su auto, esta un KIA Sportage shinishi number A-17240.
Pa un motibo of otro e chauffeur a perde control di auto y a bay dal den un pal’i luz, kibrando esaki. Di biaha a notifica polis di e accidente como tambe NV ELMAR.
E parti dilanti di e auto a ricibi hopi daño. Aunke cu a kibra e pal’i luz, e bario no a keda sin coriente.
